Udhëtimi i radhës në ‘Who Likes Tirana’ ka bërë bashkë emrat e njohur si Orgesa Zaimi, Ardi Asllani, Kamela Islamaj, Fatma Methasani dhe Ismet Shehu në një eksperiencë fantastike midis natyrës në Bovillë së bashku me Eraldo Rexhon.
Drejtuesi i guidës ka sqaruar fillimisht se vendi mund të vizitohet me fouristrada 4×4 apo biçikleta në një fundjavë me shoqërinë, pasi benefitet që të ofron natyra dhe liqeni i Bovillës janë të shumta.
Pas vizitës në majën më të lartë të Bovillës, Eraldo së bashku me të ftuarit e kësaj puntate kanë mundur të shijojnë ushqimet e përgatitura nga shefi Ismet Shehu, duke theksuar se ushqimet tradicionale janë një tjetër vlerë e madhe e çdo destinacioni.
Pas pushimit të drekës nuk ka munguar dhe “water fight”, e cila i ka argëtuar të gjithë personazhet.
Mes të qeshurave të shumta, lojërave në natyrë dhe muzikës ku janë përfshirë të gjithë është mbyllur dhe puntata e radhës e ‘Who Likes Tirana’, për t’i lënë vendin një tjetër udhëtimi po kaq mbreslënës sa ky.
Kujtojmë se deri më tani ky projekt ka arritur të sjellë për ndjekësit një panoramë të qartë të destinacioneve më ‘must’ rreth Tiranës dhe gjithë arsyet pse duhet t’i shihni të paktën vetëm njëherë nga afër këto bukuri, midis tyre Shëngjergji, Petrelë, Kakunj apo Farka./revistawho.com
