Prej kohësh, këngëtari i njohur, Shpat Kasapi është përfolur për një lidhje dashurie me vajzën nga Maqedonia, të quajtur Selvije, e cila ka qendrën e saj të estetikës dhe ka punuar me personazhe të ndryshëm të njohur.
Pas fotove të publikuara nga ‘Prive’, Shpati vendosi të mos reagojë, duke ngjallur edhe më shumë kureshtje rreth jetës private. Së fundmi burime pranë tij kanë pohuar se këngëtari ka menduar ta plotësojë dëshirën e nënës së tij, duke u martuar këtë 35-vjetor, ka shkruar ‘Panorama’.
I ftuar në ‘Ftesë në 5’ së bashku me mamanë e tij, ata kanë treguar se si e kaluan periudhën e vetizolimit. Gjatë intervistës e ëma e këngëtarit nuk hezitoi të pohojë publikisht se dëshironte qe Shpati të kishte një nuse dhe të martohej.
Megjithatë Kasapi vendosi të mos tregojë asnjë detaj duke thënë: “Shohim, nuk kemi diçka konkrete”. Mesa duket Shpati ka dashur ta mbajë larg vëmendjes së mediave lidhjen e tij me vajzën nga Maqedonia. Kujtojmë se prej kohësh këngëtari nuk është përfolur për asnjë lidhje dashurie, ndonëse ndjekësit kanë qenë mjaft kureshtarë se çfarë po ndodh me jetën private të Shpatit./revistawho.com
