Reperi i njohur për hitet e tij, së shpejti do të sjell një projekt muzikor ‘bombë’. Kështu e ka cilësuar këngën e re Stresi, i cili po punon në studion e Flori Mumajesit dhe pritet që brenda pak kohësh të filloj me xhirimet e videoklipit. Arkimed Lushaj ose sicc e njohin të gjithë Stresi, ka zbuluar për ‘Telegraf’ se video e publikuar nga Kledi Bahiti ku dëgjohet një instrumental është pikërisht kënga e tij. Duke dashur që detaje të tjera rreth tekstit dhe këngës të jenë surprizë, artisti ka paralajmëruar se kjo këngë do të jetë një “bombë”.
