Ditën e djeshme, moderatorja dhe aktorja e njohur Jonida Vokshi ka zbuluar se filmi “Derë e hapur” është nominuar për edicionin e 93-të të çmimeve “Oscar”. Si e priti këtë lajm, a e ka ëndërruar ceremoninë e “Oscar’s” apo nëse e sheh veten me një karrierë jashtë vendit. Të gjitha këto, Jonida i ka rrëfyer në një intervistë për “Tirana Post”.
Si do të jetë pjesëmarrja në Oscars? Virtualisht? A të vjen keq që s`do jesh atje?
Ceremoninë e Oscars e kam ëndërruar në fillimet e mia, si një ëndërrimtare pasionante dhe e dashuruar me aktrimin dhe kinematografinë. Por rrugës, dëshira për të investuar në profesion më bëri që të dal në konkluzionin që kur një punë të shpërblehet, shijon më shumë se të ëndërrosh para kohe.
A e mendon një karrierë përtej Shqipërisë dhe Kosovës?
Fatmirësisht, nëse ti realizon një film të mirë që të ketë pjesëmarrje në festivale të rëndësishme e të shihet nga njerëz të rëndësishëm të kësaj industrie, të bën ty të jesh e hapur dhe në një treg më të gjerë se ai i Shqipërisë dhe Kosovës.
Do Zoti e kemi atë fat??
Cilat çmime Oscar të kanë ngelur në mendje ty?
Unë i pres me padurim çdo vit çmimet Oscars dhe i shijoj pa fund. Por do të veçoja këtu, edicionin kur ishte i nominuar filmi “Shok”, për emocionet që kisha që një film që flet shqip ishte atje dhe emocionet për lidhjen e drejtpërdrejt që pata me ekipin nga tapeti i kuq.
