Disa javë më parë, modelja e njohur Chrissy Teigen, ndau me të gjithë lajmin e trishtë se humbi foshnjen e saj. Fotografitë nga spitali, Chrissy, i publikoi në rrjete sociale duke marrë edhe kritika të shumta, përveç suportit. Pas kaq ditësh, modelja ka folur gjerë e gjatë për këtë ngjarje të dhimbshme të jetës së saj dhe John.
“Unë e mora vesh atë që do të ndodhte. Pas epidurialit, do të nxitesha që të lindja një bebe 20 javësh, një djalë që nuk mbijetoi kurrë në barkun tim (ju lutem, më falni për këto terma të thjeshtë). Unë gjendesha e shtrirë në shtrat për më shumë se një muaj, duke u përpjekur ta çoja bebin në 28 javë, një zonë më e sigurt për të. Gjakderdhja ime po bëhej gjithnjë e më e rëndë. Lëngu rreth Jack-ut po pakësohej – ai mezi ishte në gjendje të notonte përreth. Në një pikë, betohesha se kishte aq pak, sa mund të shtrihesha në shpinë dhe t’i ndieja krahët dhe këmbët e tij në barkun tim. Pas disa netëve në spital, mjeku më tha saktësisht atë që e dija që do të vinte – ishte koha për t’i thënë lamtumirë. Ai thjesht nuk do t’i mbijetonte kësaj sfide dhe nëse vazhdoja më gjatë, edhe unë nuk do të mbijetoja”. Më pas, modelja ka folur edhe për fotot që bënë xhiron e rrjetit dhe se pse këmbënguli të shkrepeshin.
“Më thanë që do t’i jepja lamtumirën në mëngjes. Qava pak në fillim, pastaj shpërtheva në lot, mezi merrja frymë nga trishtimi i thellë. Edhe teksa shkruaj këtë, e ndiej dhimbjen sërish. M’u vendos oksigjeni në hundë dhe gojë dhe atje u realizua fotoja e parë që patë. I thashë John-it, i cili po hezitonte, se më duheshin ato foto pa qenë nevoja që t’i shpjegoja pse. Ai thjesht duhet t’i bënte. Ai e urreu këtë gjë. Mund ta them. Nuk kishte kuptim për të në atë moment. Por unë e dija që do të duhej ta kujtoja atë moment përgjithmonë, në të njëjtën mënyrë si do të kujtoja puthjen tonë të parë në fund të korridorit pasi lindi Luna dhe Miles. Dhe absolutisht e dija se kisha nevojë ta ndaja këtë histori”, u shpreh modelja.
Burimi: The Guardian
https://www.instagram.com/p/CFyWQLWpJ3u/?igshid=1bded1i5jsex0
