Mbrëmjen e sotme, këngëtarja e njohur Jonida Maliqi ka startuar programin e saj më të ri në ekranin e ‘Vizion Plus’, të quajtur ‘Jonida’s Room’. Ky format interesant pritet të sjellë çdo javë intervista speciale, ‘lifestyle’ e çdo detaj të bukur që syrit të ndjekësve nuk duhet t’i shpëtojë. Jonida ka zgjedhur që në llogarinë e saj të ndajë së fundmi një video në të cilën shfaqen të gjitha momentet ‘funny’ gjatë xhirimeve të emisionit.
Ndjekësit dhe miqtë e Maliqit kanë lënë një sërë komentesh dhe urimesh në llogarinë e këngëtares, duke e uruar për premierën e sotme.
Me siguri ky format do të kthehet shumë shpejt në të preferuarin e audiencës, për shkak të larmishmërisë së përmbajtjes dhe elegancës që e karakterizon Jonidën në çdo dalje publike të saj.
Në premierën e programit protagoniste ishte mamaja e Jonidës, e cila tanimë është kthyer në një personazh shumë të dashur nga rrjetet sociale. Në puntatën e radhës do të shohim se si është mobiluar shtëpia dhe cilët do të jenë të ftuarit që do ta mbushin atë, pasi Jonida ka pohuar se do të ketë disa të tillë./revistawho.com
https://www.instagram.com/tv/CHBRt3wnkYA/?igshid=du1p57a94081
