Taylor Swift i ka dhuruar një shumë prej 50 mijë dollarësh nipit 13-muajsh të njërit prej balerinëve të saj pasi vogëlushi ishte diagnostikuar me kancer.
Këngëtarja ka treguar përsëri bujarinë e saj duke dhuruar këto para për financimin e kurës së Ayden i cili është vetëm 13-muajsh. Sëift ka lënë gjithashtu një mesazh të veçantë për vogëlushin në faqen që është hapur për të mbledhur fonde “GoFundMe”, duke shkruar: “Vogëlushi Ayden, unë jam me fat që performoj me dajën tënd, Toshi, në këtë turne. Të gjithë po lutemi për ty dhe nënën tënde dhe të urojmë shumë fat në rrugën tënde. Me dashuri, Taylor”.
Ndërkohë edhe balerini, i cili ka nisur të punojë me yllin e pop-it gjatë turneut botëror “1989”, ka bërë një postim në llogarinë e tij të Instagramit, duke falenderuar këngëtaren për donacionin e bërë.
