Rudina Dembacaj nuk i ka kursyer në asnjë moment përgjigjet e sinqerta edhe në llogarinë e saj në rrjetet sociale, edhe në intervistat e ndryshme e kudo ku është gjendur.
Kështu ka vepruar edhe me pyetjet e fundit në ‘Instagram’, nga kureshtja se si e thërret Viktoria Markun, biseda e fundit me të në ‘whatsapp’, biseda me vajzën e tij, Ertën e deri tek ata ndjekës që shfryjnë dëshirat seksuale.
Rudina jo vetëm që ndau bisedën e fundit me Markun, por i zbuloi të gjithëve se fjalët e ëmbla nuk mungojnë asnjëherë në komunikimin e tyre. Ndërsa kur bëhet fjalë për bisedën e saj me vajzën e Markut, spontaniteti që e karakterizon e ka penguar për ta ndarë duke shkruar me humor: “Jo, kishim pak fjalë të papastra që i përdorim vetëm në familje”.
Dembacaj ka ndarë edhe një video ku ka treguar se Viki i thërret Markut “xhaxhi Marku”, pasi e vogla ka realizuar disa vizatime për të në kopësht.
Por nuk kishte si të mungonte dhe një përgjigje alla Rudina për dikë që ka shprehur dëshirën për të qenë pranë saj një natë të vetme. “S’bohet zemra. Humbi shpresat”, ka shkruar ajo.
Epo nuk kemi ç’të themi, kur vjen puna tek ekspresiviteti, çiltërsia dhe humori, Rudina ka gjithmonë vendin e parë./revistawho.com
