Me një foto në ‘Facebook’, kantautori i njohur, Kujtim Prodani ka lajmëruar të gjithë miqtë e tij se është infektuar me ‘Covid-19’. Prodani e ka quajtur virusin një flamë të keqe që ka marrë shumë njerëz të dashur, teksa ka zbuluar se momentalisht është i shtruar në spitalin ‘Shefqet Ndroqi’ në Tiranë.
“Sa miq e sa të afërm na more. O flamë e keqe”, ka shkruar Kujtimi krah postimit të fundit. I menjëhershëm ka qenë edhe reagimi i miqve të tij të cilët i kanë uruar kantautorit shërim të shpejtë dhe t’i kthehet normalitetit sa më parë.
Deri më tani janë infektuar një sërë personazhesh dhe emrash të njohur me ‘Covid-19’ e secili ka ndarë eksperiencën personale me virusin, duke dhënë dhe një mesazh për të gjithë se sa të kujdesshëm duhet të tregohen në këtë periudhë./revistawho.com
