Jennifer Lopez vjen me një projekt të ri

Jennifer Lopez shumë shpejt pritet të publikojë këngën e saj të re. Ditën e hënë ylli 46-vjeçar ka publikuar një pjesë të këngës me titull “I Ain’t Your Mama”, e cila është e para nga bashkëpunimi i saj me “Epic Records”. Përmes një postimi të bërë në “Facebook”, bukuroshja ka shpjeguar se këngën e saj do mund ta dëgjoni të plotë në serinë e ardhshme të “American Idol”, ditën e enjte. Ajo gjithashtu ka shprehur trishtimin që “American Idol” po i vjen fundi pasi ishte mësuar të qëndronte në atë karrige, ku shikonte yjet e ardhshëm të muzikës. Pavarësisht kësaj, këngëtarja ka shtuar se finalja do të jetë shumë emocionuese për të. “Performanca ime mbrëmjen e së premtes do të jetë shumë energjike ku unë do të lançoj këngën time të re me titull ‘I Ain’t your mama’”. / Top Albania Radio