Sa herë na ndodh të kalojmë situata të këqija ose zhgënjyese në jetë, na duket sikur gjëra të caktuara, të “tmerrshme’ na ndodhin veç ne. Por nuk është kështu, sidomos kur dëgjon rrëfime të njerëzve të njohur mbi jetën e tyre. Aktori i dashur Bujar Asqeriu, në një rrëfim të veçantë për jetën e tij tregon sesi shoku i ngushtë e akuzoi se i kishte ngacmuar gruan.
“Me një shokun tim të fëmijërisë qe e tmerrshme. Unë isha me time shoqe, m’u turr duke më thënë fjalë të lemerisshme.
“Më ke ardhur në shtëpi, më ke parë gruan nga këmbët”. I thashë: Po unë të kam shok, ne jemi rritur bashkë! Si m’i thua këto fjalë. “Po, po, më tha, të zhdukeni me gjithë familje, të mos rrini më këtu! Të zhdukeni nga Vlora”, ka rrëfyer Asqeriu, teksa tregon se e gjitha ishte për faj të rolit të tij në filmin “Jeta në duart e tjetrit”.
Filmi bën fjalë për dy shokë shkolle Fredi dhe Spiro të cilët takohen rastësisht. Po ndërsa Fredi punon në një fshat të thellë, Spiro ka karrierë të shkëlqyer në qytet. Spiro, zyrtar i lartë ndjehet i tërhequr nga bukuria e Anës gruas së Fredit dhe në këmbim të ndihmës profesionale për mikun e tij, ai kërkon diçka më tepër me gruan e shokut./revistawho.com
