Shpat Kasapi do të bëhet baba për herë të parë, ndërsa bashkëshortja e tij në një bisedë me ndjekësit në Instastory ka zbuluar më shumë sesi po e kalon këtë periudhë.
Grimerja Selvije Jao, ka treguar se është në muajin e pestë të shtatzënisë,por nuk e ka zbuluar gjininë e bebit.
“S’ka rëndësi për mua, si djalë, si vajzë. E lus Zotin të shkojë mirë shtatzënia deri në fund e uroj të ketë shëndet”, është përgjigjur ajo pyetjes së ndjekësit.
Në këtë bashkëbisedim nuk mund të mungonte dhe interesi për nepsin që zakonisht kap gratë shtatzëna. Selvija ka thënë se këto kohë do ishte mirë t’i kalonte në një fabrikë ëmbëlsirash.
“Dua të jetoj në një fabrikë që prodhojnë muffins”, është shprehur ajo.
Shpat Kasapi e zbuloi lajmin e bukur në ditëlindjen e Selvijes me një postim plot fjalë dashurie.
“Gëzuar ditëlindjen gruaja ime, që do të bëhet nënë së shpejti. Dashuria jote më ka kthyer në këtë njeri të lumtur, gjithmonë njeri të qeshur që jam sot, të jam mirënjohës përgjithmonë! E sidomos tani që po presim një engjëll! Shumë i detyruar ndaj teje për gjithçka, pa ty nuk jam asgjë! Të paça gjithmonë dashuri. Të dua shumë!”, janë fjalët që ka dedikuar Shpati, i cili më parë ka qenë i fejuar me modelen Afërdita Dreshaj./revistawho
