Të gjithë sytë prej ditës së djeshmë janë drejtuar nga aktorja e serialit të famshëm “Sex and the city”, Sarah Jesica Parker, e cila nuk ka bërë asnjë reagim për vdekjen e mikut të saj, aktorit Willie Garson.
Ajo është në zi të thellë dhe nuk ka bërë asnjë nga reagimet që shohim rëndom në raste të tilla, me dedikime të gjata në rrjetet sociale.
Shpesh dhimbja nuk është aq e lehtë për t’u ndarë me të tjerët. Kur humbim dikë të dashur, duam vetminë tonë për të qenë sa më gjatë me kujtimet, por edhe për ta pranuar atë që ka ndodhur.
Sarah dhe Garson nuk ishin miq të ngushtë vetëm në seritë e “Sex and the city”, por edhe në jetën reale, ku Willie ka luajtur një rol të madh në jetën e aktores. Ata kanë qenë miq 10 vite para se seritë e filmit të famshëm të xhiroheshin.” Ne flasim ccdo ditë”, kishte thënë aktori para disa kohësh në një intervisë.
Kjo e bën edhe më të vështirë humbjen për Sarah, ku reagimi i vetëm i saj deri tani ka qenë në një fotografi që postoi në Instagram, aktori Chris Noth, ku ajo shkroi, “Faleminderit i dashur Chris. Unë nuk jam ende gati”.
Willie portretizoi mikun më të mirë të Carrie Bradshaw, Stanford Blatch, një rol që ai e përsëriti së fundmi edhe në gusht gjatë xhirimeve të serive të reja të “Sex and the city”, “And Just Like That”./revistawho.com
