Çdo gjë duket se ka marrë fund për Britney Spears, pas vendimit të gjykatës së dhënë ditën e mërkurë e cila pezulloi babanë e saj nga kujdestaria 13-vjeçare ndaj këngëtares.
Ylli i popit tha se ajo tani ndihet në qiellin e shtatë.
Në një seancë që zgjati më shumë se tre orë, gjyqtarja e Gjykatës Supreme të Los Anxhelosit, Brenda Penny, vendosi t’i heq Jamie Spears të drejtën nga mbikëqyrja e pasurisë së vajzës së tij prej 60 milionë dollarësh dhe caktoi një datë në nëntor për të diskutuar nëse do ta përfundonte të gjithë marrëveshjen.
Në një postim në Instagram pas vendimit të katës këngëtarja postoi një video ku shfaqet e ulur pranë një piloti në kabinën e një avioni të vogël ku shkroi.
“Për herë të parë duke fluturuar me një Aeroplan. Geez u frikësova,” shkroi ajo, pa folur për lirinë që sapo fitoi.
https://www.instagram.com/p/CUbMCJKsRbJ/?utm_source=ig_web_copy_link
“Largimi është në interesin më të mirë të Britney Spears”, tha gjykatësja. “ Por situata aktuale nuk është e qëndrueshme”, shtoi ajo.
Gjykatësja gjithashtu urdhëroi që kontrolli i të gjitha aseteve të Spears t’i kalohej një kujdestari të përkohshëm të caktuar nga gjykata, një kontabilist publik të certifikuar të quajtur, John Zabel.
Gjatë seancës gjykatësja dëgjoi argumente të shumta nga avokatët që përfaqësonin Britney dhe Jamie Spears.
Avokati i Britney argumentoi se këngëtarja “ka nevojë dhe meriton një tranzicion të rregullt’ duke shtuar më tej se ajo ‘është abuzuar nga babai i saj gjatë dekadës së fundit dhe që nga fëmijëria e saj’./revistawho.com
