Robert De Niro insiston: Im bir ndryshoi sjellje brenda natës pasi bëri vaksinën

MMR, vaksina kundër rubeolës, frythit apo shytave që injektohet tek fëmijët, dyshohet se shkakton autizëm. Nëpër media këto ditë është përfolur shumë për rreziqet e kësaj vaksine. Ylli i kinematografisë, Robert de Niro këmbëngul me deklaratat e tij se i biri ndryshoi sjellje brenda natës pasi bëri vaksinën. Ai gjithashtu ka shprehur pendim që ka tërhequr nga Tribeca Film Festival dokumentarin që ngrinte dyshimet mbi këtë vaksinë. “Ka shumë gjëra që nuk janë thënë. Askush nuk dëshiron t’i adresojë këto gjëra. Por ka shumë njerëz që thonë se fëmija i tyre ndryshoi brenda natës. Atë thotë dhe bashkëshortja ime (atë çka i ndodhi djalit tim). Si një prind, fëmija i të cilit është autik, jam i shqetësuar. Dua të di të vërtetën”- u shpreh aktori i njohur për ‘Today Show’.