Lady Gaga po planifikon rrugën e saj drejt majës së suksesit si aktore, pas shfaqjes së trailerit të fundit për “House of Gucci”.
Gaga, 35 vjeçe, luan rolin e Patrizia Reggiani-t, ish-gruaja e kreut të shtëpisë së modës, Maurizio Gucci, rol që luhet nga Adam Driver. Në një trailer të publikuar të enjten, hyrja e Patrizias në jetën e saj të re me Maurizio fillon kur ajo bëhet dëshmitare e një zënke mes burrave të familjes Gucci, teksa përplasen me njëri-tjetrin gjatë një loje që po zhvillonin jashtë.
“Ata i kishin të gjitha,” vëren ajo në një zë. “Pasuri, stil, fuqi: kush nuk do të vriste për këtë?”
Megjithatë, Patrizia është në një mision për të ndryshuar perandorinë Gucci, të cilën ajo e sheh si “jo emocionuese” dhe ka nevojë për një “gjak të ri”. Në përpjekjen e saj për të freskuar shtëpinë e modës, Patrizia përplaset kokën e kompanisë Aldo Gucci , që luhet nga Al Pacino, i cili këmbëngul se “Gucci është ajo që them unë se është.”
Ai më vonë i thotë Patrizias: “Kjo nuk është lojë femërore. Mos e harroni këtë.”
Por, Patrizia nuk ndalet dhe e çon skemën e saj në lartësi të reja, kur paguan një vrasës me pagesë për të vrarë Maurizion pasi të dy i dhanë fund martesës së tyre. Në një skenë nga traileri , Patrizia e paralajmëron ashpër vrasësin: “Mos gabo”.
Në filmin “House of Gucci” luajnë edhe Jeremy Irons, Jared Leto, Salma Hayek, Reeve Carney dhe Jack Huston. Regjisor është i famshmi Ridley Scott, i cili është bazuar në librin e Sara Gay Forden “The House of Gucci: A Sensational Story of Murder, Madness, Glamour and Greed”/ revistawho.com
