Beyonce ka rrezikuar sërish polemika, pasi është shfaqur me një gjerdan të verdhë ose ndryshe ata që cilësohen si “diamant gjaku” në një imazh të sapo publikuar për fushatën e saj të “Tiffany & Co” me bashkëshortin Jay-Z.
Këngëtarja, 40 vjeçare, më parë ishte shprehur se ishte e zhgënjyer dhe e zemëruar duke modeluar pa e ditur historinë e diamantin që binte në sy, pasi u përball me reagime të furishme në internet.
Megjithatë, në imazhet e reja të publikuara nga marka e bizhuterive luksoze, Beyonce mban sërish gurin e verdhë gjigant rreth qafës së saj.
Fotografia padyshim që do të shkaktojë bujë, pasi më parë ajo u kritikua ashpër për vendimin për të ekspozuar diamantin dhe shumë përdorues të mediave sociale tërhoqën vëmendjen ndaj historisë së tij.
Po cila është historia e diskutueshme e gurit që ngjall polemika dhe emocione?
Diamanti i verdhë u zbulua në një minierë koloniale në Kimberley, Afrikën e Jugut, në vitin 1877, në një kohë kur vendi dhe minierat e tij ishin nën sundimin kolonial britanik dhe kur punëtorët migrantë kryesisht zezakë iu nënshtruan kushteve të tmerrshme të shfrytëzimit dhe shpesh nuk paguheshin.
Sipas një burimi të afërt me Beyonce, këngëtarja nuk ishte në dijeni të historisë së diskutueshme të diamantit kur e mbajti atë për herë të parë dhe kishte mbetur e indinjuar për faktin se asaj nuk iu dha më shumë informacion në lidhje me prejardhjen e gurit të çmuar.
Diamanti Tiffany, u nxorr nga miniera Kimberley e “De Beers” në Afrikën e Jugut kur punëtorët zezakë u detyruan të punonin në kushte të tmerrshme ku thuhet se vdiqën 1,144 persona nga një sërë sëmundjesh./revistawho.com
