Fituesja më e re e çmimit Nobel për Paqen në moshën 16 vjeçare, Malala Yousafzai është martuar pothuajse një dekadë pasi u qëllua në kokë nga talebanët për shkak të fushatës së saj për të drejtat e vajzave për arsimim.
Tashmë 24 vjeçe, Malala është martuar me partnerin e saj Asser Malik në një ceremoni private të organizuar në shtëpinë e saj në Birmingham.
Malala publikoi në Twitter disa fotografi nga dita e dasmës, ku kishte veshur një fustan të bukur ngjyrë rozë, ndërsa shkruante:
“Sot është një ditë e çmuar në jetën time. Asser dhe unë u martuam për të qenë partnerë për gjithë jetën. Ne festuam në një ceremoni të vogël në shtëpi në Birmingham me familjet tona. Jemi të emocionuar që do të ecim së bashku në udhëtimin që na pret para”, shkroi ajo
Asser u emërua vitin e kaluar menaxher i operacioneve të Bordit të Kriketit të Pakistanit (PCB).
