Dua Lipa, është takuar me presidenten e Komisionit Evropian, Ursula von der Leyen, gjatë Këshillit Atlantik.
Këngëtarja nga Kosova i kërkoi der Leyen liberalizimin e vizave për Kosovën.
“Të rinjtë luftojnë për të gjetur punë dhe mundësitë e tyre pengohen nga kufizimet që e bëjnë të vështirë udhëtimin për punë ose kënaqësi. Pasi kemi përmbushur të gjitha kriteret, Komisioni Evropian në fakt ka rekomanduar liberalizimin e vizave për Kosovën për më shumë se tre vjet më parë. Pra, a mendoni se ne mund ta arrijmë atë tani?”, ka qenë pyetja me të cilën i është drejtuar Dua, Von der Leyen.
26-vjeçarja, mbajti një fjalim emocionuese në ceremoni ku theksoi: “Qëndroj përpara jush si një fëmijë nga Kosova që ka lindur në Britani të Madhe dhe është tani si mysafire e Amerikës. Unë vij nga një vend për të cilin shumica prej jush mund te keni dëgjuar, por ndoshta jo në mënyrën se si do ta përshkruaj unë. Dua të ndaj me ju pak për Kosovën time”.
Dua u nderua me çmimin “Distinguished Leadership Awards 2021” në 60 vjetorin e Këshillit Atlantik, me motivacionin se ajo ka përdorur fuqinë e saj si një yll ndërkombëtar për promovimin e atdheut të saj të origjinës, Kosovës, nga varfëria e pasluftës, për t’i ofruar një brezi të tërë dhuratën e shpresës./revistawho.com
