“Ajo që njerëzit nuk kanë kuptuar, është se Belen është shumë e brishtë. Shumë!”. Me këto fjalë bukuroshja argjentinase ka ndarë anën e saj më intime, që e mban fshehur nga femra fatale që shfaq në rrjetet sociale. Belen ka dhënë dje një intervistë të gjatë në transmetim të drejtëpërdrejte në “Domenica In”. Ajo është rrëfyer për prezantuesen Paola Perego pa dorashka, që nga koha kur i tha lamtumirë Argjentinës, deri tek dalja në skenën Sanremos. Ajo ka treguar për dashurinë ndaj Santiagos dhe familjes, duke tejkaluar temën e krizës në çift për të cilën prezantuesja nuk dëshiron të flasë. Ajo është përlotur.
