Partizani-Vllaznia: VIP-a e politikanë në stadium, Alban Hoxha përshëndet Çiljetën nga porta

Partizani e ka pritur Vllazninë në stadiumin “Qemal Stafa” dhe duke ditur humbjen e Skënderbeut, ndeshja ishte e një rëndësie të veçantë. Ndonëse dita dhe orari ishin të favorshëm, prania e tifozëve nuk u ngjit në lartësinë e duhur. Partizani është rival i denjë për titull, por tifozët duken disi të ftohur, pasi të dielën të pranishëm nuk ishin më shumë se 3 mijë veta. Shkodranët ishin shumë të paktë mbrëmë. Tribuna VIP si gjithnjë mbetet e tejmbushur, ku edhe kësaj radhe nuk munguan dashamirësit e kuq të spektrit të politikës.  Përpos të zakonshmëve, në këtë takim kishte edhe përfaqësues të artit. Prej disa kohësh, këngëtarja Çiljeta Xhilaga, në shoqërinë e ish­zëdhënëses së klubit Dasara Karaiskaj, nuk i ndahet Partizanit kur luan në kryeqytet. Ajo ishte edhe dje dhe për të ndjekur ndeshjen zgjodhi tribunën e gazetarëve. Çiljeta njihet si një fanse e portierit Alban Hoxha, i cili pas shënimit të golit të tretë e ka përshëndetur me dorë që nga porta, shkruan “Panorama Sport”. Ndërsa vajza e ish­Kryetares së Parlamentit, Jozefina Topalli, Megi, së bashku me të fejuarin e saj, këngëtarin Luis Ejlli, dhe të vëllanë ishin në mbështetje të Vllaznisë. Ndeshja përfundoi me fitoren e Partizanit. Pas fitores, si zakonisht, të kuqtë kane festuar në një nga “pub”­et e kryeqytetit