Shpërthimi i ngjyrave që ndodhi në javët e fundit të modës do të sjellë freski në muajt në vijim, por kjo nuk do të thotë se duhet të harrojmë klasikët që gjejnë gjithmonë rrugën e tyre për t’iu përshtatur sezonit aktual. Ndër kombinimet e stilit të përjetshëm, një ndër më të rëndësishmit është padyshim varianti bardh e zi. Dekada më parë, falë Coco Chanel, kombinimi i këtyre ngjyrave u kthye në një formulë stilimi të përjetshëm, e përshtatshme për çdo rast dhe situatë.
Nëse vishni atlete me pantallona të bardha dhe bluzë të zezë, ose anasjelltas, do të merrni një variant të përditshëm të pamjes së rafinuar dhe nëse kombinoheni me taka të larta, do të jeni gati për çdo dalje dhe argëtim. Ndaj ne i hodhëm një sy vajzave të ekranit dhe Instagramit për të parë si janë kombinuar bardhë e zi dhe idetë ua japim mes fotosh më tej./revistawho.com
