Ermal Mamaqi shkaktoi bujë të madhe me hyrjen në BBV kur tha se do të ftojë Bora Zemanin, në rolin e partneres së Ilir Shaqirit. Lajmi u komentua nga Donaldi i cili sugjeroi që Bora të paguhej mirë teksa qeshi së bashku me të tjerët. Këto komente nuk i ka pritur hiç mirë Beatrix e cila është prekur dhe sonte Arbana njoftoi se Beatrix ka refuzuar që të shkojë në studio. Madje ka refuzuar edhe ftesën për të darkuar me banorët dhe Donaldin. Mundësia e veçantë që dha Vëllai i Madh për ish-banorët mesa duket as nuk i hyn në sy Trixës që ka ngelur e hatërmbetur nga biseda. Donaldi u shpreh sonte se i kuptoi si shaka batutat e Ermalit dhe thjesht i vazhdoi ato. “Aq shumë nuk më intereson, sa nuk më bëri përshtypje. Ishte thjesht batutë pas batute,” tha Donaldi. Ai pranoi se është i mërzitur për vendimin e Beatrix, por ajo e njeh dhe nuk duhet t’i kushtojë rëndësi këtyre gjërave. “Unë nuk jam qofte të iki kur përmendet emri i dikujt”, tha ai më tej.
Beniada nga ana tjetër pranoi se Donaldi ishte i emocionuar për hyrjen e banorëve dhe mezi po e priste Trixën./revistawho.com
