Balina Bodinaku i kishte shkruar një mesazh në Instagram dikujt, duke i komunikuar se ka një informacion që Beatrix ka shkuar në Dubai me të dashurin e saj.
Ky lajm u bë tema e ditës sot, sepse këngëtarja reagoi me disa InstaStory, duke hedhur poshtë të gjitha dhe duke e paralajmëruar opinionisten e Big Brother VIP se do ta hedhë në gjyq.
Tani ka reaguar edhe vetë Balina, e cila e ka trajtuar këtë çështje si shkelje privatësie.
“Eshte gjeja me absurde qe me ka ndodhur keto kohe. Akuzat per perbaltje te imazhit dhe perdorim te komunikimeve personale, me takojne mua. Ky eshte nje komunikim nga Instagrami im personal me nje person që mendoja se e njihja, por ne fakt ishte një account fallco (as me Beatrix, sic eshte kuptuar nga disa). Nuk eshte nje komunikim publik; publik zgjodhi ta bente kushdo qe shkeli ligjin duke shkelur privatesine e komunikimit tim. Per me teper, aty nuk ka asnje deklarate ku une te pretendoj cfare eshte e vertete, apo jo. Kush deshiron ta shohe, e sheh. Kush deshiron ta perdore, do e perdore gjithsesi. Ne kete pike jam une qe me eshte prekur privatesia. P.S. eshte komunikim personal dhe si i tille nuk ka asnje lidhje me produksionin”, shkroi ajo duke zbuluar kështu se ka pasur një keqkuptim dhe është e ofenduar nga shkelja e privatësisë.
