Beniada ishte e ftuar sonte në “Ftesë në 5” me Bieta Sulon menjëherë pas daljes nga shtëpia e BBV. Ajo foli për ditët pas daljes dhe zbuloi se nuk ka pasur kontakte me asnjë nga konkurrentët, pasi kohën po ja dedikon familjes. Ndërsa gjëja e parë që bëri kur doli ishte blerja e një trileçeje.
Ajo u pyet për marrëdhënien me Monikën, për të cilën tha se e vlerëson, por nuk i është përputhur karakteri me të. Ndërsa më tej foli për situatën që e ka mërzitur më shumë në shtëpi që ishte debati i fortë i Einxhel me Donaldin.
“Gjëja që na ka prekur më shumë ka qenë situata me Einxhelin që të rrija më shumë me të dhe të mbaja qëndrim ndaj Donaldit. Kështu jam edhe jashtë, kur dy shokë zihen. Kam mbështetur shoqen time aty brenda, por po të kthehem brenda, sillem njësoj. Donaldi më ka pëlqyer gjithmonë, është super djalë. Një defekt i tij është se përdor gjithmonë zemrën dhe kur përdor zemrën, mund të lëndohesh”,- u shpreh ajo.
Ndërsa kur u pyet se me cilin prej djemve do ishte lidhur ose nëse ka pasur një pëlqim, ajo nuk përmendi emër, por pranoi se i ka të gjithë miq./revistawho.com
