Sqaron menaxheri: Jo prej Noizyt, ja arsyeja e vërtetë pse Ledri anuloi koncertin

Ditën e sotme ju njoftuam se reperi nga Kosova Ledri Vula kishte anuluar një koncert në Hanover të Gjermanisë. Sipas organizatorit, shkak për anulimin ishte bërë fakti se aty këndonte edhe reperi nga Shqipëria Noizy. Nuk ka vonuar reagimi i zyrës që menaxhon Ledrin, duke sqaruar arsyen e vërtetë të anulimit të koncertit. Sipas menaxherit të artistit, Ledri nuk ka marrë paratë që i ishin caktuar. “Indeksonline” shkruan se burime të afërta me manxherin e Ledrit, kanë përgënjeshtruar organizatorin e këtij eventi. Sipas këtyre burimeve ky anulim i koncertit është bërë për faktin se ambienti në të cilin do të mbahej koncerti ishte një ambient i ngjashëm me restorant dhe jo i përshtatshëm për koncertin e Ledrit. Gjithashtu këto burime kanë bërë të ditur se organizatori i këtij eventi nuk i ka dërguar të hollat e parapara sipas marrëveshjes para mbajtjes së koncertit, transmeton Indeksonline. “Kjo është një nga arsyet e këtij anulimi pasiqë personi në fjalë njihet si mashtrues që i ka mashtruar dhe u ka krijuar probleme edhe shumë këngëtarëve të tjerë”, kanë thënë të njëjtat burime.