Pas ndarjes nga jeta në mënyrë të parakohshme të yllit të muzikës Prince, veç detajeve të shumta nga jeta dhe puna e tij, në internet po qarkullon edhe një video. Pamjet e xhiruara në vitin 2011, shfaqin një prej koncerteve të Prince ku ai përzuri me arrogancë nga skena, atë që sot konsiderohet se mbretëresha e showbiz-it, vetë Kim Kardashian. Duket se asokohe çdo përpjekje për Kim ia vlente, vetëm për të fituar vëmendje. Mbreti i pop-it që dje ndërroi jetë në moshën 57 vjeçare, atehere këndonte në Madison Square në New York. Aty ai shfaqet teksa flet me publikun dhe në një çast Kim Kardashian ngjitet në skenë, por pak sekonda më vonë artisti i afrohet dhe e dëbon atë duke i thënë “Dil nga skena”. Pamjet janë xhiruar nga një fans i cili më vonë e shpërndau videon në “Youtube”.
https://www.youtube.com/watch?v=AP-Wlh9bhM0
