Ditën e djeshme, Noizy ka bërë një postim në llogarinë e tij të Instagramit, duke na prezantuar një talent të ri. Sipas reperit, vajza që shihni në fotografi është ylli I ardhshëm në muzikë.
Bëhet fjalë për Ajsel Abazin, e cila nuk është e panjohur për publikun pasi ka qënë pjesëmarëse në “Top Fest 10”, me këngën “Nuk ka me lot”. Në videon e publikuar, Ajsel shihet teksa këndon cover-in e këngës “Falling” të Alicia Keys, e shoqëruar në piano nga Elgit Doda.
Duket se Ajsel po përgatitet për projekte të reja të cilat me shumë gjasa do tërheqin vëmendjen e të gjithëve, të paktën këtë na ka lënë të nënkuptojmë Noizy, me postimin e tij.
“Do më falenderoni më vonë, Ylli i ardhshëm”, shkruan bashkangjitur postimit reperi.
