Atletet e bardha janë kryesisht një klasik i modës, ato mund të vishen në të gjitha kombinimet dhe me disa truke dhe informacione të dobishme mund të qëndrojnë krejtësisht të bardha.
Gjëja më e rëndësishme është t’i kushtoni vëmendje materialit të atleteve të bardha, sepse në varësi të tij duhet të zgjidhni metodën me të cilën do t’i pastroni. Kur bëhet fjalë për atletet “Convers” apo këpucët e vjetra të bardha, procesi është shumë i thjeshtë. Gjithçka që duhet të bëni është të aplikoni pak sapun në një furçë dhëmbësh të vjetër dhe ta fërkoni me lëvizje rrethore derisa papastërtia të fillojë të hiqet.
Nëse nuk arrini të hiqni njollat e forta në këtë mënyrë është mirë që sodën e bukës ta shpërndani në ujë të vakët dhe ta fërkoni me lëvizje rrethore dhe më pas ta lini për disa minuta që masa të zhytet në leckë. Pas kësaj, ato duhet të fshihen me kujdes me një leckë të lagur.
Nëse atletet tuaja të bardha janë prej lëkure, është mirë të aplikoni metodën e pastrimit me qumësht trupi të aplikuar në një leckë ose furçë dhëmbësh. Nuk rekomandohet aplikimi i qumështit me sfungjer të trashë, ose me ndonjë material që mund të dëmtojë lëkurën.
Një mënyrë tjetër për t’i bërë atletet tuaja të bardha të shkëlqejnë sërish është të bëni një pastë pastruese me pak sodë buke, pak ujë dhe pak uthull. Hidhni përafërsisht sasi të barabarta ujë dhe uthull dhe sasia e sodës duhet të jetë e mjaftueshme për të marrë një pastë të trashë.
