Edhe pse ndoshta në fund do ju duhen ndërhyrje mjekësore, provojini njëherë këto pesë mënyra natyrale për të rritur shanset të ngelni shtatzënë. Matni temperaturën bazike të trupit për disa cikle që të shihni se kur po ovuloni, dhe të siguroheni që po kryeni marrëdhënie në kohën e ovulimit. Si ta bëni këtë? Çdo mëngjes para se të dilni nga shtrati, merrni një termometër dhe vendoseni nën gjuhë. Kur temperatura juaj rritet, jeni duke ovuluar.
Mos pini më alkool
Disa studime me kafshë dhe njerëz zbuluan se përdorimi i alkoolit nga femrat mund ta ndërpresë ciklin normal menstrual dhe mund të ndikojë në nivelet hormonale, duke ndikuar kështu edhe në fertilitet.
Mos përdorni lubrikantë vaginalë
Është më mirë nëse nuk përdorni lubrifikant sepse disa lloje mund të ndërhyjnë në lëvizshmërinë e spermës
Mos hani më peshk
Edhe pse acidet yndyrore omega-3 janë të nevojshme për trupin tuaj, ato mund t’i merrni edhe nga suplementet e vajit të peshkut (të pastruar), pasi disa studime kanë zbuluar se peshqit nga disa ujëra të caktuar janë të kontaminuar dhe përmbajnë helme si merkuri, që mund të ndikojnë në fertilitet, shkruan ‘Telegrafi’.
Merrni multivitamina
Një studim hungarez në të cilin morën pjesë 4000 gra të cilat merrnin multivitamina të përditshme ndërsa mundoheshin të ngelnin shtatzënë, zbuloi se ato kishin më shumë shanse që të mbeteshin shtatzënë se gratë të cilat nuk i merrnin këto vitamina.
