Në vetëm një vit kërcime tërheqëse dhe fragmenteve virale të audiove, influencuesit kryesorë të platformës TikTok grumbulluan një shumë prej 55.5 milionë dollarësh. Revista “Forbes” zbuloi njerëzit që fituan më shumë nga TikTok për vitin 2021 – më i riu vetëm 17 vjeç.
Lista nuk përfshin të famshëm të listës A, por merr në konsideratë vetëm fituesit më të mirë, fama e të cilëve filloi fillimisht në TikTok.
Charli D’Amelio, 17 vjeç, ka gjithsej 133.2 milionë ndjekës dhe përfitimet që ka marrë nga kjo platformë vlerësohen të jenë 17.5 milionë dollarë amerikanë.
Diksi D’Amelio, 20 vjeç, numëron gjithsej 56.7 milionë ndjekës dhe përfitimet që ka marrë nga kjo platformë janë 10 milionë dollarë.
Addison Rae, 21 vjec, ka gjithsej 86.1 milionë njekës dhe përfitimet që ka marrë nga Tik Tok vlerësohen të jenë 8.5 milionë dollar amerikan.
Bella Poarch, 24 vjeç, ka gjithsej 87.3 milionë ndjekës dhe shuma që ka fituar nga kjo platformë përgjat vitit 2021 është 5 milionë dollarë.
Josh Richards, 19 vjeç, ka grumbulluar gjithsej 25.6 milionë ndjekës, dhe ka fituar 5 milionë dollarë./revistawho.com
