Sot, kur zia ka rënë në shtëpinë e motrave të talentuara të muzikës shqiptare, Adelina dhe Zanfina Ismaili për humbjen e nënës së tyre Mona Ismaili, “WHO” sjell një copëz nga rrëfimi i Adelinës përpara disa vitesh, në të cilin thotë këto fjalë për nënën e saj: “Nëna ime është krijuesja e karrierës sime. Ajo është boshti, alfa dhe omega e çdo gjëje. Ajo është gruaja që ka sfiduar jetën, e lëre më një Show Biznes shqiptar”, – është shprehur Adelina.
Lajmi për humbjen e Mona Ismailit u shpërnda sot në media. Ajo vuante prej pak kohësh nga një sëmundje e pashërueshme. Mona, njihet në rrethin e artistëve si menaxherja e parë femër, duke ndërtuar kështu karrierën e shkëlqyer të dy vajzave këngëtare.
