Sopranoja Ermonela Jaho ka lajmëruar përmes një postimi në Facebook se po përballet me disa probleme shëndetësore. Asaj i është dashur të tërhiqet edhe nga prodhimi i Pagliaçi nga ROH, për të cilin po bënte prej ditësh prova. Sa i përket gjendjes së saj shëndetësore, Jaho shkruan se është përkeqësuar por shpreson që së shpejti të rikthehet përsëri në Londër.
“Të dashur miq, më vjen shumë keq t’ju ndaj që duhet të tërhiqem nga prodhimi i Pagliaçi nga ROH. Prej ditësh isha duke bërë prova ndërsa luftoja me disa sfida shëndetësore por fatkeqësisht situata u përkeqësua dhe pse doja të vazhdoja mjekët më këshilluan kundër saj. Shpresoj të shërohem së shpejti për angazhimet e mia të ardhshme. Më vjen shumë keq për zhgënjimin…. Ju uroj të gjithë kolegëve të mi që të kenë një vrapim të mbarë. Unë jam shumë mirënjohës ndaj ROH dhe miqve të mi të mrekullueshëm për mbështetjen e tyre gjatë kësaj kohe dhe mezi pres të kthehem në Londër në të ardhmen…. shume dashuri Ermonela”
