Siç duket, kjo verë do ia vlejë të qëndrojmë para televizorit

Duke qenë një periudhë pushimi, në sezonin e verës programacionet janë më të pakta. Emisionet tashmë kanë shënuar mbylljen e sezonit dhe presin shtatorin për tu rikthyer. Të paktën kjo ndodhte deri verën e vitit 2021. Sepse këtë verë, programacioni i televizioneve shqiptare do të jetë më i plotësuar me programe verore të reja. Përpos emisioneve të pasditeve që kemi ndjekur edhe verën e kaluar si “Pushime on top”, “Edicioni veror”, “Ora verore” etj, këtë verë priten edhe spektakle e reality shoë. Nga korriku në Top Channel nis “Kepi i tundimit”, reality shoë që sjell 10 të rinj duke jetuar në 2 vila ku do t’i përshtaten rregullave të caktuara. Kështu do të kemi një “Big Brother” veror le të themi. Nga ana tjetër në TV Klan Rudina Dembacaj thuhet se do sjellë një spektakël humori, së bashku me producentin Turjan Hysko. Personazhet e ftuar Rudina do t’i vë në sfida të vërteta gazmore, por më shumë detaje na mbetet të na i zbulojë vetë ajo. Siç duket, kjo verë nuk do të jetë aspak e mërzitshme para ekranit!