Takimi i parë mund të jetë emocionues po aq sa edhe i sikletshëm. Si të vishem, si të sillem, çfarë të them, janë vetëm disa nga pyetjet që ia bën vetes. Por çfarë pyetjesh duhet t’i bësh atij? Ja ku ju japim disa ide:
Si është jeta perfekte për ty? Mund të mos zbulosh shumë, megjithatë ia vlen të disha diçka më tepër për të.
Cili është personi më i rëndësishëm për ty? Ki kujdes te kjo pyetje, duke pasur parasysh dhe moshën e personit. Nëse mbi 30 vjeç ende të flet për mamanë, mendoje paksa seriozisht këtë punë.
Çfarë vlerëson më shumë te njerëzit?Përgjigjen e kësaj pyetjeje dëgjoje me kujdes, analizoje, sepse mund të thotë shumë ose gjithçka për personin që keni përballë.
A beson në dashuri? Një pyetje për të relaksuar paksa situatën, por nëse ai flet më shumë se 2 minuta për temën, mendojeni takimin e dytë.
A je person i lumtur? Këtë përgjigje regjistroje.
Çfarë të bën ty unik? Këtu mund të zbuloni të përbashkëta me njëri-tjetrin.
Cili është vendi yt i preferuar? Këtu mund të lindë një temë e bukur, teksa flisni për udhëtimet.
Për çfarë je krenar në jetë? Këtu mund të zbulosh modestinë dhe madhështinë e personit me të cilin je në takim.
Cila është situata më e sikletshme që të ka ndodhur në jetë? Mund të afroheni më tepër me njëri-tjetrin.
Ku e sheh veten pas 5 vjetësh? Pyetje e guximshme
