Eneda Tarifa është një prej këngëtareve më të dashura të publikut. Teksa para pak muajsh ajo festoi 40-vjetorin, e ftuar në “ABC e pasdites”, rrëfeu se ka qenë një etapë rilindjeje për të.
“Ndodhi një reflektim i madh me veten time patjetër dhe refleksionet ishin të tipit; që ta shijoj pak më shumë atë që bëj, pak më pak vrull se çdo gjë bëhet. Pak më shumë vlerësim për veten. Kam humbur kohë me ata që s’duhej”, ka thënë ajo.
A do të ketë një martesë të dytë për Enedën?
“Mendoj që të flasësh për martesa, fejesa, bashkëjetesa është e kaluar për mua. Po të jap një përgjigje shumë konçize; do ta marr jetën si të më vijë. Po erdhi le të vijë. Bujrum, derë e hapur”, ka thënë këngëtarja.
Në vitin 2018, artistja i dha fund historisë së dashurisë me Erjon Zaloshnjën. Dyshja janë prindër të një vajze, Arias.
