E keni parë serialin e famshëm latin “Patito Feo”? Me siguri nuk keni humbur asnjë seri. Ylli i filmit Brenda Asnicar, ose siç ne e njohim, Antonela do të bashkëpunojë me një shqiptar. Ajo do të bashkëpunojë me Art Rushitin. Së bashku do të sjellin hitin veror, që do të shfaqet këtë të mërkurë. Lajmin e ka bërë të ditur vetë Arti përmes një statusi në “Instagram”.
“Nuk e humbisja asnje episode te serialit ‘Patito Feo’ ku Brenda (Antonela) luante, fuqizuar nga Disney, e shihja ne MTV si 7 vjecar, me syte plot lot e emocion, ndersa tani jam duke publikuar kenge me klip me te. @basnicar ka shitur me shume se 1 milion bileta neper stadiume e arena ne gjithe Europen, Ameriken Latine e shume vende tjera. Me vjen mire qe po i jap jehone shtetit tone edhe ne zonat qe nuk e kane pranuar si te tille. Kaq e vogel eshte bota, kaq mire Zoti punon… ‘Buenos Aires’ eshte full shpirt, full ndjenje, me besoni pritja do ja vleje.”, ka shkruar ai në “Instagram”.
Art Rushiti është një ndër këngëtarët më të rinj që i është shtuar tregut muzikor shqiptar. Përvecse këngës, Arti është gjithashtu një tekstshkrues mjaft i mirë.
Arti që në fëmijëri vuri në pah talentin dhe dashurinë për skenën, muzikën dhe artin në përgjithësi, duke qenë pjesë e shumë programeve shkollore me paraqitje skenike muzikore e vallëzimi modern (edhe në përfaqësim rajonal). Që në moshë të vogël ai është marrë me shkrime, poezi, këngë, monologje e interpretime artistike. Vullneti për muzikë nuk iu shua pasi Arti vazhdimisht trajnohej nga profesionistë të kualifikuar muzikorë, gjë që ndihmoi që shpresa mbi shfaqjen e kreativitetit më tej.
Ndikimi i tij u zhvillua hovshëm kur artisti u cilësua si i vetmi shqiptar i postuar dy herë në faqen zyrtare të ikonës së muzikës Beyoncé, ku dhe kjo e fundit iu referua atij me fjalët “Ti je në zemrën time”, po ashtu Arti menaxhon “fan page” më të madhe globalisht të Beyonce-s gjë që bëri familjarizimin e vet artistit me Beyonce-n dhe stafin e saj.
