Të punosh në ditët e nxehta të verës nuk është e lehtë. E kjo duke i shtuar faktin që shohim nëpër rrjetet sociale fotot e kolegëve apo miqve tanë duke shijuar detin dhe pushimet. Ndaj duhet të gjeni mënyrën që të jeni produktivë gjatë këtyre ditëve.
Punoni jashtë
Kjo nuk është e mundur për të gjithë, por për ata që punojnë nga shtëpia. Zhvendosuni në oborr, ose ballkon. Në rast se nuk keni oborr, hapni dritaren dhe merrni dritë natyrale.
Hani drekën jashtë
Hani drekën në një mjedis të hapur, nëse keni mundësi në natyrë. Mund të lexoni diçka pas drekës që të çoni veten në të tjera dimensione.
Ndryshojeni orarin tuaj të punës
Nëse keni dëshirë të shijoni mbrëmjen, punoni paradite dhe e kundërta. Gjeni kohën e duhur për të vënë veten në vend të parë, pa menduar se ti je në punë dhe miqtë e tu në Dhërmi.
Pushoni jashtë
Është demoralizuese të punosh teksa natyra të thërret jashtë, por mund të bësh diçka që të ndryshojë kjo gjë. Bëj një shëtitje jashtë në orën tënde të pushimit, ajri i pastër mund të jetë gjetja ideale.
