Seher vendos t’i tregojë të vërtetën Jamanit, nesër në “Amaneti”

Xhanan vazhdon t’i marrë para Jamanit me pretekstin se do i blejë dhuratë Zijasë por në fakt i do për t’ja dërguar të dashurit të saj. Ndërkohë Jaman  porosit Nedimin t’i kalojë në llogari shumën e madhe të parave Xhananit. Nedim i kërkon Xhananit që t’i marrë më vonë paratë dhe ajo pranon duke menduar që shumë pak ka mbetur nga realizimi me sukses i planit të saj djallëzor. Ali dhe Dujgu takohen pas dy muajsh. Si do të jetë takimi mes tyre? Seher nga ana tjetër vuan mungesën e Jamanit dhe Jusufit. Ajo telefonon Xhengerin dhe e pyet për Jamanin dhe Jusufin. Seher i thotë se do t’i tregojë të vërtetën Jamanit sapo të marrë një përgjigje pozitive nga doktori, por ka frikë se ai nuk do ta besojë. Ndërkohë Jaman dhe Nedim janë vënë në kërkim të Seherit.