Angelina Jolie ka dalë të enjten nga aeroporti “ Heathrow” i Londrës me djalin e saj 18-vjeçar Pax, e veshut me veshjen më të mirë të udhëtimit që mund të imagjinohet: pizhamet. Aktorja demonstroi saktësisht se si t’i bënte veshjet e natës të përshtatshme për ditën, duke kombinuar pizhamën e saj komode ngjyrë kafe mëndafshi me shapkat “Valentino” dhe syze dielli aviator.
Aktorja nuk është ylli i vetëm që kohët e fundit ka përdorur pizhamet si veshje për të dalë. Selena Gomez kohët e fundit veshi një palë pizhame “Louis Vuitton” në Paris.
Në një intervistë të publikuar më 14 qershor, Jolie foli për Harper’s Bazaar UK për ndikimin që Pax dhe pesë vëllezërit e motrat e tij Maddox, 20; Zahara, 17 vjeç; Shiloh, 16; dhe binjakët 14-vjeçarë Vivienne dhe Knox, kanë pasur mbi të.
“Fëmijët e mi kanë një ndikim në çdo aspekt të asaj që jam,” tha ajo. “Në momentin kur bëheni prind, jeta juaj nuk është e juaja. Ju nuk e dini se çfarë është të jesh ‘ti’; nuk ka të bëjë më me jetën tënde, dhe kështu dëshiron t’i përfaqësosh ata, dëshiron të jesh ai model për ta; versionin tuaj më të mirë.”
Ajo shtoi se kur dyshon në vetvete, shkon te fëmijët e saj për t’u qetësuar. “Kur kam dyshime dhe nuk e di kush jam, do të ulem me ta dhe do të ndiej se më njohin më shumë se kushdo”, tha ajo. “Dhe pastaj e shoh veten time, dhe i shoh ata si njerëz të mirë, njerëz interesantë, të gjithë individë shumë të fortë, dhe mendoj se nuk mund të jem e keqe”.
