Bashkëshorti i parë i Jennifer Lopez, Ojani Noa, thotë se martesa e saj me Ben Affleck nuk ka gjasa që të zgjasë. Sipas tij, këngëtares “i pëlqen të jetë e dashuruar”, por humbet interesin pasi pasioni në martesën e saj fiket.
“Ben është bashkëshorti numër katër. Unë isha bashkëshorti numër një dhe ajo më tha se isha dashuria e jetës së saj. Kur u shtrimë në shtrat natën e dasmës, ajo tha se do të ishim bashkë përgjithmonë”, u shpreh Noa.
Ai kujtoi dhe takimin e parë me divën e muzikës: “Nuk e kisha idenë se kush ishte ajo. Pamë njëri-tjetrin dhe mendova se ishte gruaja më e bukur që kisha parë ndonjëherë. Ajo kishte veshur një bluzë të bardhë dhe pantallona dhe mbaj mend që mendova se kishte trupin më të mirë që kisha parë ndonjëherë. Më vonë më tha se e dinte që natën e parë se do të martohej me mua”.
Ai shtoi: “Ne u dashuruam kur ajo ishte tashmë e famshme. Por gjatë martesës sonë ajo u bë një megastar. Për disa vite ishte shumë e dhimbshme të flisja për këtë gjë. Doja të jetoja jetën time. Por kur pashë që ajo u martua me Benin, i cili është një djalë i mirë, ndjenjat u kthyen përsëri.”
Noa tha se vendosi të fliste për marrëdhënien e tij me këngëtaren tani, sepse donte që “njerëzit ta dinin historinë e vërtetë”.
