Vetëm një ditë më parë mediat raportuan se Kim Kardashian dhe Pete Davidson i dhanë fund lidhjes së tyre pas 9 muajsh bashkë. U tha se shkak i ndarjes ishte distanca dhe diferenca në moshë e çiftit pasi Pete, 28 kishte prioritet karrierën ndërsa Kim, 41 po përqëndrohet tek familja dhe fëmijët e saj. Ndërkohë pa kaluar mirë lajmi i ndarjes, sot po përflitet se Kim mund të jetë rikthyer me ish-bashkëshortin, Kanye West. Kim ka pozuar së fundmi bashkë me vajzën e saj me syzet e markës së Kanye West. Si të mos mjaftonte kjo, burime pranë reperit thanë për “The Sun”, se ai ka ndërmend ta fitojë sërish Kimin dhe të anulojë divorcin. “Ndarja e saj nga Pete po e shtyn Kanye-n më shumë për ta fituar sërish dhe për ta anuluar divorcin. Prej muajsh ai i ka thënë Kimit që ajo dhe Pete nuk ishin për njëri-tjetrin”, tha burimi.
View this post on Instagram
