Mund të jetë vetëm një efekt fotoshopi, por amerikanët nuk ka humbur kohë e kanë shpërthyer në sulm kundër Lil Kim. Arstistja akuzohet se ka zbardhur lëkurën. Polemikat nisën kur ajo publikoi një seri me “selfie” në rrjetet sociale. Reagimi ishte i menjëhershëm dhe fansat u treguan shumë të ashpër në komentet e tyre. Praktika e zbardhjes së lëkurës u nis dikur nga Michael Jackson. Më pas ajo u vazhdua nga shumë artistë të tjerë me ngjyrë. Në një artikull të publikuar tetorin e kaluar nga Daily Mail, evidentohej zbardhja artificiale e lëkurës në mënyrë progresive tek shumë VIP-a me famë botërore si Beyonce, Rihanna, Eva Longoria, Jennifer Lopez, Janet Jackson. Të gjitha janë akuzuar se kanë bërë trajtime për zbardhim lëkure. Kjo tendencë nuk përfshin vetëm njerëzit e famshëm. Sipas analizave të shoqërisë amerikane “Global Industry Analysts”, kërkesa mbi produktet për zbardhjen e lëkurës është në rritje. Pritet që deri në vitin 2018-të ato të kenë një treg mbi 17 miliardë euro. Mjafton një kërkim në internet dhe gjen mijëra faqe me produkte që “garantojnë” këtë shërbim.
