Me titullin “Ju tregoj ferrin”, revista “Chi” në Itali ka publikuar në kopertinë rrëfimin për herë të parë pas daljes nga burgu të ish-Mbretit të paparacëve në vendin fqinj Fabrizio Corona. “Çfarë nuk më ka ndodhur në burg. Edhe më e paimagjinueshmja. Nuk ishte thjesht një izolim…”, nis kështu historinë e tij personazhi sexy, i dashuri i dikurshëm i Belen apo edhe Nina Moric, i cili u dënua në vitin 2013. “Askush nuk mund ta kuptojë se çfarë është burgu, pa e jetuar atë. Nuk ishte një izolim i thjeshtë. Më dënuan 14 vite e dy muaj. Ruhesha në mënyrë të veçantë edhe për shkak të popullaritetit tim. Që kur kam dalë prej andej, nuk e kam treguar kurrë jetën pas hekurave. Më vjen turp dhe më dhemb. Natën më ndodh shpesh të zgjohem papritur e s’më besohet që ka mbaruar. Mund vetëm të them që në burg çfarë s’më ka ndodhur. Edhe më e paimagjinueshmja. Dy vitet e para i kalova mbyllur në qeli. 22 orë në ditë brenda një qelie 3 metra katrorë. Mësova përmendësh kodin penal. Nuk e kam pranuar kurrë me veten time, faktin që isha një i burgosur. E shihja veten dhe nuk e konsideroja të tillë. Evitova gjithçka nga jeta e zakonshme e burgut. Krijova një botë paralele të mbushur me libra, revista, televizor, palestër në qeli dhe radion time të pandashme. Gjëja e parë që bëra pasi më liruan? Ndalova në autostradë, pashë qiellin dhe volla. Më pas bëra seks”, tregon Corona. Ai u la i lirë më 18 qershor të vitit 2015-të.
