Reperi Fero u arrestua pas publikimit të një videoje ku shihej teksa dhunonte një person brenda makinës. Pas pamjeve të bëra virale, ndaj Feros u ngrit akuza e veprës penale “Sulm”.Fero është liruar sot nga paraburgimi.
Lajmi është bërë i ditur nga vetë avokati i reperit. Në një deklaratën për “Telegrafi” ai tha se sot është pranuar aktvendimi nga Gjykata Themelore e Gjilanit, ku është ndërprerë masa e paraburgimit për Feron.
“Sot kemi pranuar aktvendimin nga Gjykata Themelore e Gjilanit, ku klientit tim i është ndërprerë masa e paraburgimit”, ka thënë Shaqiri.
“Kjo vjen në sajë të pranimit të fajësisë nga i pandehuri. Siç e dimë të gjithë ngjarja e shkaktuar ka qenë falë një provokimi, jo vetëm me muzikë por edhe me gjeste që ka çuar deri edhe në agresivitetin e situatës. Dy palët janë pajtuar, Fero është shprehur i penduar për atë që ka bërë dhe kështu kanë arritur në një dakoordësi dhe janë pajtuar”, ka thënë ai. Por vendimi përfundimtar nuk është dhënë ende nga Gjykata e Gjilanit.
