Khaby Lame, është një prej personazheve më të famshme të TikTok-ut. Ai pasi humbi punën gjatë pandemisë filloi të bënte video në TikTok. Ai u bë personi më i ndjekur në aplikacionin e njohur ku sot numëron plot 149.5 milionë ndjekës.
Në një intervistë për “Fortune”, Lame, 22 vjeç, zbuloi se i ka kushtuar shumë kohë mësimit të anglishtes duke parë filma vizatimorë dhe filma amerikanë, si dhe duke kaluar një orë çdo ditë duke punuar me një mësues.
Lame i cili nuk e ka fshehur dëshirën për t’u bërë aktor, tha për “TMZ”. në fillim të këtij viti, se qëllimi i tij përfundimtar do të ishte të luante në një film së bashku me Will Smith.
Menaxheri i Lame, Alessandro Riggio i tha Fortune se klienti i tij superyll është në rrugën e duhur për të fituar 10 milionë dollarë (8.67 milionë £) këtë vit.
Tashmë ai po “komandon deri në 750,000 dollarë (650,000 £) për postim në TikTok”, duke thënë se kjo është shuma e listuar në një kontratë që stafi i tij kishte shqyrtuar.
