Një muaj më parë Einxhel Shkira konfirmoi shtatzëninë duke publikuar fotot e videot e para me barkun e rrumbullakosur. Ndërkohë shtatzënia e moderatores ishte përfolur për javë të tëra e të gjithë prisnin që ajo të tregonte barkun. Por tani që Einxhel nuk po tregohet e kursyer dhe çdo ditë na ëmbëlson me postimet e saj, ndjekësit i kërkojnë të mos e tregojë barkun! Moderatorja ka bërë një postim ku tregon se ka marrë shumë mesazhe që i thonë të ruhet nga “syri i keq” dhe me të drejtë bën thirrje që të mos i përcjellin energji të tilla sepse sado që ajo të ruhet nga këto bestytni, nuk mund të ngujohet në shtëpi në mënyrë që të mos e tregojë barkun.
Statusi i Einxhelit: “Si fillim ju falenderoj shumë për çdo urim, fjalë të mirë e këshillë pa e vënë në diskutim qëllimin e mirë në secilën prej tyre. Por kam lexuar komente e mesazhe ku sugjeroni, gati-gati në lutje që të mos ekspozoj në foto barkun se tani ‘si nënë e kupton vetë ti’ (?!). Unë kuptoj dhe nënkuptoj shumë gjëra dhe pikërisht për hir të këtyre bestytnive shpeshherë jam bërë paranojake…Ama të dashura gra e nëna, po nëse dikujt i duhet të punojë në ekran gjatë shtatzënisë dhe barkun ja shohin me mijëra e miliona sy?! Po nëse gjatë asaj periudhë bëjnë foto veshjesh shtatzëna për punë dhe ato sërish shihen nga pafund sy…dhe akoma më e zakonshme, mjafton një ditë në plazh që barku të shihet nga dhjetra sy…Ju lutem boll përcollët energji të tilla dhe bestytni që në vend të na ndihmojnë thjesht të shtojnë ankthin! Mbase është idiotllik, por edhe unë besoj te syri, ama çdo gjë ka një limit, se s’do ngujohemi në shtëpi tani që të jemi të mbrojtur nga syri keq”