Ka humbur jetën aktorja spanjolle Beatriz Álvarez-Guerra. 28-vjeçarja ka ndërruar jetë si pasojë e një aksidenti me makinë që drejtohej nga partneri i saj 24 vjeçar. Pas aksidentit, automjeti përfundoi në lumin Almofrei në Cotobade. Partneri i aktores arriti të dilte nga automjeti. Më pas, me ndihmën e disa kalimtarëve tentoi të lironte aktoren që kishte ngecur në makinë. Hetimet e policisë zbuluan se i riu po drejtonte makinën pavarësisht se nuk kishte leje drejtimi. Ai akuzohet për vrasje nga pakujdesia. Beatriz Álvarez-Guerra ishte e famshme në Spanjë për pjesëmarrjen në disa filma dhe seri televizive, si “10 pelis”, “El tiempo” dhe “Anclados”.
