Historia tregon se përpara se përzgjedhja e njërës anë të ndikonte deri tek shpikjet e njerëzimit, kishte pasur një tjetër zanafillë. Kur në Mesjetë Papa Bonifaci VIII (1230-1303) përsëriti se “të gjitha rrugët të çojnë në Romë”, ai këshilloi pelegrinët që të ecin në krahun e majtë të rrugës. Papa përforcoi një zakon të shpërndarë midis këmbësorëve e kalorësve të cilët mbanin gjithnjë atë krah, me qëllim që të përdornin më lehtë shpatën në rast sulmi të papritur. Gjatë revolucionit francez, Robespierre urdhëroi qytetarët që të ecnin në anën e djathtë të rrugës, si sfidë kundër Kishës Katolike. Disa vite më vonë Napoleoni (që ishte dhe mëngjërash) e eskportoi këtë zakon në vendet që pushtoi përmes armatave të tij, në kundërshti me zakonet e Mbretërisë së Bashkuar.
ANGLEZËT
Anglia në fakt mbeti gjithmonë jashtë ndryshimit dhe territoret e Mbretërisë trashëguan të njëjta norma. Në vitin 1859-të edhe japonezët, asokohe adhurues të flaktë të traditës britanike, vendosën t’i përshtaten pilotimit në të majtë. Sot çereku i shteteve të botës e kanë timonin majtas. Në Europë, vetëm Anglia, Irlanda dhe Malta.
