Pas disa muajsh që mediat flasin për një ndarje, Blero më në fund ka thënë fjalën e tij. Këngëtari ka konfirmuar ndarjen nga Afrona Dika përmes një postimi në rrjete sociale. Blero kërkon mirëkuptim që mediat të mos e diskutojnë më këtë pjesë të jetës së tij, por lë enigmë arsyet e ndarjes nga Afrona duke u shprehur se ato janë tërësisht personale.
“Unë dhe Afrona i kemi dhënë fund martesës sonë 2-vjeçare në Maj të këtij viti. Arsyet janë tërësisht personale dhe që na përkasin vetëm neve. Nuk ka pasur asnjë moment hapësirë për interpretim, keqinterpretim apo përdorim të imagjinatës. Pra, miq e dashamirës, lidhja jonë ka përfunduar, ndaj situata është e rënduar ashtu siç është, madje edhe pa e kthyer në pjesë të debatit publik. Unë po ju drejtohem me një kërkesë për herë të parë dhe të fundit, me shpresë që do të hasë në mirëkuptimin tuaj- ta lënë ashtu siç është këtë pjesë të jetës sime dhe të mos merremi më gjatë me të. Ky vendim i cili na përkiste vetëm mua dhe Afronës, ndaj dhe dëshiroj që ta mbajmë të tillë. Do ta vlerësoj shumë nëse do të më mirëkuptoni, meqenëse kjo vërtetë do të jetë hera e fundit kur unë do të ju adresohem për këtë çështje. Faleminderit nga zemra për kohën. I juaji, Blero”, ka shkruar Blero.
